Thursday, January 6, 2011

(63) NING HPRING JINGHPAW MUNGDAW NHTOI

Maden seng ai ninghtoi kaja,

Chyurum sha ni hkrum zup du sa;

Myit hkrum lam hta n di n hka,

Kraw wang kata n ja n hpra;

Buga mungdan hte mung grai tsan,

Hpawng de ai gaw myu sha lam yan;

Jinghpaw Mungdaw Masat Nhtoi,

Padang Manau hkik hkam ai poi;

Bai du ra ai hkap tau hkalum,

Myit hkrum myit ra shada ginshum ga le i . . !

Shaning shagu ladu bai hkrum,

Daining na lang Kru Shi Masum;

Masat Ninghtoi Jinghpaw Mungdaw,

Padang Manau ndai Poi gaw;

Myitkyina Majoi Uma buga,

Shatapru Naura rudi tawn da;

Chyurum sha ni shareng shagrau,

Gumshem wa gaw jak lak chyinglau;

Chyurum sha ni salat she grit,

Gumshem wa gaw dukrung e htit, rai sai da yaw. . .!

Daini anhte sumtsaw sumtsan,

Tsasam buga maigan mungdan;

Sa du nga ai mabyin law law,

Labau hkrunlam sumru shachyaw;

Buga de mung nhtang myit dum,

Myu sha lam hta shada myit hkrum;

Myu sha ni a shadip jahpang,

Gumshem wa gaw sai chyup dingyang;

Chyurum sha ni sharung shayawt,

Gumshem wa gaw kabu manawt . . . rai taw nga sai . . !

Jiwa ni nan du daw sai hkaw,

Myu mungdan hpe du baw sak jaw;

N-gun mung dat salat mung hkrat,

Lu tawn da sai buga hkringdat;

Hkum tsup ngwipyaw Jinghpaw Mungdaw,

Hkrat sum nga sai daini chyawm gaw;

Maroi n ni masin n si,

Mau taw nga yang kaning n di;

Moi na labau bai naw sagawn,

Machyang n-gun bai naw gumhpawn yu saga . . !

Asha sinpraw bum tsaw mayan,

Saphkung-Hpunggawn hka nu lapran;

Dailup daihpang myu sha zaw nawng,

Shingteng amying Jinghpaw Wunpawng;

Chyaloi prat hta Majoi Shingra,

Daini chyawm gaw mungkan hproi hkra;

Ginru lalam ginsa lahkam,

Chyam bra hkawm ai ta tut magam;

Mabyin gindai dinglik yu mai,

Jiwoi hkringhtawng makawp ra sai . . !

Moi na prat hta ningdi kau da,

Mali Hku Majoi hka deng buga;

Chyai Hku Majoi de mung bai nawt,

Hkrang Hku Majoi de mung bai htawt;

Tarung, Tawang, Tabyi, Tanai,

Saphkung, Mungmau, Tahkaw, Munglai,

Tayun, Talau, Mali, Hkrang, Hpungmai;

Nawnglut, Mungnyang, Uru, Htingnai;

Bum tsaw shagawng dam pa layang,

Jiwoi hkringhtawng shadip jahpang, rai nga sai law. . .

Mayu dama hpunau masa,

Dikru hkrum rai makawp maga;

Ntsin hka hpawk langai jawm lu,

Num jaw num ya shada jawm hku;

Mayam tai yu labau n nga,

Hkanse jaw ai maumwi n kra;

Tinang magam wa la htanbam,

Lai sai ten na labau ginlam,

Buga ninghtawn tam bram jahproi,

Ndai ten hta Myitkyina Majoi, rai nga mali ai. . .

Tsa ban ‘Shi Jahku’ htum wa mahka,

Jiwoi Mungdan dingda htumpa;

Chyau Myen la ni makawp n ngang,

British hpyen hpe ninghkap n dang;

Jarit nhpan ashep malawng,

Dip sha hkrum sai Jinghpaw Wunpawng;

Daini du hkra kyang dai n mat,

Sai chyup hkat ai lailen n tat;

Chyurum sha ni matsan chyaren,

Tsasam ni she up sha ginlen, nga masai . . .

Magrau grang ai Jinghpaw Wunpawng,

Share shagan kajai gumhkawng;

Yawng a ntsa sadi grai dung,

Gasat gala shagri grai kung;

Madat mara bungli kangka,

Ang ai lit hta mangan mung nga;

Manawn masham myit nan n rawng,

Dingman hpraw san Jinghpaw Wunpawng;

Hkawhkam wa a magam gunhpai,

Mungkan a man kasi tai sai . . .

“Hkun” lang ngu na tsa ban ladaw,

Mungdan shagu manghkang sumbaw;

Hkawseng mungdan jan pyi n shang,

British ni hkrai mazang n dang;

Jamani la ni majan shabyin,

British ni a shoihpa gumdin;

Jinghpaw la ni rawt htim adawt,

Masawp Amya mungdan de hprawt;

Masat Langai Mungkan Majan,

Jinghpaw ni she mahtai dawdan, lai wa sai. . .

“Hkun” lang ngu na tsa ban ka-ang,

Myu baw shagu lawhpa manghkang;

Mungdan shada tawt lai jehpre

Grit nem matsan ni hpe wahkye;

Majan baw ai Nazi Jamani,

Hka hkrat manang gumshem Itali;

Sinpraw maga Japan gasu,

Tawt lai zingri grupyin htingbu;

Lahkawng lang ngu na Mungkan Majan,

Gara hku she mahtai dawdan sana ta?

British up ai Myen mung dinghku,

Hpunau Myen ni Japan kinyu;

British ni gaw sum let htingnut,

Jinghpaw ni sha dating shakut;

Asha chyam ai Japan atsam,

Asum n jaw Jinghpaw dappram;

Ninghkap majan Jinghpaw adawt,

Kachin Levies Japan hpe gawt;

101 hte Kachin Ranger,

Japan kaw na padang dip la saga ai re . . .

Majan ngut boi Japan yawng hkoi,

Mungdan shanglawt jawm hpyi asoi;

Jinghpaw shagawng jiwoi hkringhtawng,

Masum brang rai ahkyep kamawng;

Sinpraw maga Miwa ni ret,

Sinna maga Kala ni kyet;

Ka-ang shagawng buga malawng,

Magyi Ka a maiwang de hpyawng;

Myit hkrum ga sadi Panglung mare,

Munghpawm Mungdan jawm gaw jawm de saga ai . . .

Munghpawm Mungdan chyalung chyangai,

Jinghpaw Mungdaw daidaw jat ai;

Munghpawm Mungdan January Mali,

Jinghpaw Mungdaw January Shi;

Hkying Mi Jahku Tsa Mali Shi Matsat Ning,

Daini ten hta “Kru Shi Masum” hpring;

Jiwoi mungdan masum brang tim,

Mungdaw lu jang myit pyaw myit sim;

Hpunau Myen hte lata gindun,

Kamhpa dik let arau ginrun saga ai re. . .

Jinghpaw ni gaw hparat hkalung,

Hpunau Myen ni sadi n dung;

Jinghpaw ni gaw dingman hpraw san,

Hpunau Myen ni nam rawng malan;

Munghpawm Mungdan zang bai ayai,

Jinghpaw ni nan n hkye n mai;

Hpyenla dingsa yawng bai shaga,

Jinghpaw Dapdung manga hpaw la;

Munghpawm Mungdan tat sum n mai,

Jinghpaw Dap ni hkye la tawn sai . . .

Mungdan ting gaw majan nhpan,

Jinghpaw ni gaw shawng si gwi ran;

Bum nga ni hpe angawk shadu,

Munghpawm Mungdan dinghku hkanu;

Panglung myit hkrum lam hpe n hkan,

Bum nga ni yawng angawk jahpan;

Munghpawm tingnyang kashun magra,

Gumshem lailen dip up shaja;

Bum nga ni yawng maroi n ni,

Rawt malan wa sai nang si ngai si. . .

Manu dan ai Jinghpaw Mungdaw,

Maisak mailung hpunsau gumhpraw;

Nam nga dusat majoi kamawng,

Hka na nga ni majoi kabrawng;

Ja hte lungseng sut rai nlang,

Jinghpaw Mung a arawng ningsang;

Chyeju hpring ai anhte buga,

Maigan wa she sa numdu da;

Sutgan yawng mung shaw la ya sai,

Anhte yawng mung mayam naw tai . . .

Mungchying shawa matsan tsinyam,

Hkru kat ai gaw tai hpyen magam;

Mungkan hpaji anhte dumhprut,

Sak hkrung na pyi atsam she tsut;

Chyurum sha ni lasi lamun,

Tai hpyen wa gaw hpum sau ahtun;

Jinghpaw Wunpawng ramma wunawng,

Lagaw ndung maigan de yawng;

Ngam nga taw ai matsan jahkrai,

Gaida gaina n tai n mai . . .

Kau mi rai jang tinggyeng machyu,

Tai hpyen wa kaw myi man hkoi lu;

Sake manawn mayun kumhpa,

Tai hpyen wa a lagaw lata;

Tinang myu hpe kabai shadam,

Banau ni a dangkang manam;

Ramma kau mi kaning n rai,

Nanghpam lusha ahkyen makai;

Shayi num ni hkumshan bai dut,

Hkrit hpa ana myu ting kaw rut, rai mat sai. . .

Jiwoi hkringhtawng Uma buga,

Sut rai mahkra atsai shaw la;

Uru sengmaw sutgan punghkaw,

Banau ni she hkinjawng ningbaw;

Mali yan Hpungmai mazup jahten,

Tanghpre bu ni myit htum garen;

Hugawng lam de kayin mada,

Dip up sai chyup myit yu kahpra;

Yi sun hkauna zing la ya ai,

Maling mala yawng krin ma sai. . .

Jinghpaw Mungdaw ladu bai hkrum,

Shaning sak prat “Kru Shi Masum”

Shadip jahpang ahkang kanang?

Mau nga n mai n dut n dang;

Tsasam wa gaw madu galai,

Madu ni gaw mayam hkan tai;

Hkrap myiprwi hte wa pu jawm shup,

Maigan wa a dangkang jawm pup;

Jiwoi hkringhtawng tat kau n mai,

Anhte yawng a lit nan rai sai. . .

Jinghpaw Mungdaw ladu hkrum ai,

Padang Manau ya bai dum sai;

Nampum nsa hkanghkyi shamawng,

Shinggyim Jinghpaw na ra sharawng;

Mungdaw manau ngu she jawm awng,

Hkanghkyi dusat kashun hkinjawng;

Mungkan ting na Jinghpaw Wunpawng,

Dum hprang saga myu sha zaw nawng;

Jiwoi hkringhtawng jawm pawn jawm ba,

Jinghpaw Mungdaw grin nga u ga law. . .


Sumtsan Brang

Kuala Lumpur, Malaysia

Thursday, October 28, 2010

ကခ်င္ ယဥ္ေက်းမႈလက္ရွိသမိုင္းသုေသသနျပဳစုျခင္း

ပါေမာကၡစတမ္ Dr.Stan BH Tan ပို႔ခ်ေသာသင္တန္း ပထမပို႔ခ်က္ခ်က္ကို ေဒါက္တာကြမ္ဂ်ာ (Research Fellow, NUS) နွင့္ ကခ်င္စာေပယဥ္ေက်းမႈေကာ္မတီမွ ဖိတ္ၾကားစီမံမႈျဖင့္ National University of Singapore မွ 23-Oct-2010 (Sat) ညေန ၆နာရီခြဲတြင္ က်င္းပခဲ့ပါသည္။ အပတ္စဥ္ စေနေန႔ညေနတိုင္း ပို႔ခ်မည္ျဖစ္ျပီး ၆ပတ္အျပီးတြင္ တက္ေရာက္ေသာကခ်င္လူငယ္မ်ားႏွင့္ ပါေမကၡတို႔ အျပန္အလွန္ေဆြးေႏြးခ်က္၊ အင္တာဗ်ဴးမ်ားကို မူတည္ျပီး ကခ်င္လက္ရွိသမိုင္းကို လက္ေတြ႔ျပဳစုျပမည္ျဖစ္ပါသည္။ mkumja@gmail.comThis e-mail address is being protected from spambots. You need JavaScript enabled to view it Mobile: 91824886

ပါေမာကၡ ေဒါက္တာစတမ္သည္ ၾသစေၾတးလ်ားႏိုင္ငံ National Australian University မွ Ph.D ရရွိခဲ့ျပီးေနာက္ ဗီယက္နမ္ႏိုင္ငံ ျမိဳ႔ရြာ၊ေတာေတာင္မ်ားတြင္ သြားလာ၊အင္တာဗ်ဴးက ဗီယက္နမ္ဆိုင္ရာ စာတမ္းမ်ားစြာ ျပဳစုခဲ့သူျဖစ္သည္။ အသက္ ၃၇ႏွစ္အရြယ္ရွိျပီး စင္ကာပူတကၠသိုလ္ NUS တြင္ ေဒါက္တာဘြဲ႔ ၄ႏွစ္ ဆည္းပူးခဲ့ျပီး Research Fellow , USA အျဖစ္ တာ၀န္ထမ္းေဆာင္ေနေသာ ေဒါက္တာကြမ္ဂ်ာ ႏွင့္ရင္းႏွီးေသာမိတ္ေဆြျဖစ္ပါသည္။ ေဒါက္တာကြမ္ဂ်ာသည္ ကခ်င္လူမ်ိဳးျဖစ္ျပီး သူႏွင့္ဇနီးသည္တို႔မွာ အင္ဂ်င္နီယာဘြဲ႔ရရွိျပီး M.I.T မႏၱေလးစက္မႈတကၠသိုလ္ဆရာတြင္ ေက်ာင္းဆရာအျဖစ္ ႏွစ္အတန္ၾကာ တာ၀န္ထမ္းေဆာင္ခဲ့သူျဖစ္ျပီး စင္ကာပူတြင္ ေနထိုင္ၾကပါသည္။ သူ႔မိတ္ေဆြ Professor Stan သည္ ကခ်င္လူမ်ိဳးမ်ားကို စိတ္၀င္စားကာ သုေတသနျပဳလုပ္ရန္ ယခုကဲ့သို႔ သင္တန္းငယ္တစ္ခုကို ကခ်င္စာေပႏွင့္ယဥ္ေက်းမႈေကာ္မတီ ခြင့္ျပဳခ်က္ျဖင့္ စတင္က်င္းပျခင္းျဖစ္ပါသည္။

သူ၏ လက္ရွိသင္ၾကားေသာနည္းစနစ္မွာ ယခု သင္တန္းသား ၄၀ ကို တစ္ဦးစီ မိနစ္၂၀ခန္႔ အင္တာဗ်ဴးေျပာဆိုခ်က္မ်ားကို စာျဖင့္ျပန္ေရးပါက စာမ်က္ႏွာ ၄၀၀၀ ခန္႔ ရရွိမည္ျဖစ္သည္။ ထိုရရွိေသာ အင္တာဗ်ဴးေျပာဆိုခ်က္မ်ားမွ မလိုသည္ကို ထုတ္ပယ္ကာ ကခ်င္ယဥ္ေက်းမႈသမိုင္းႏွင့္ဆိုင္ေသာ အခ်က္မ်ားကို Excel Format နည္းစနစ္ျဖင့္ စီစစ္၊သီးသန္႔ထုတ္လိုက္ပါက စာမ်က္ႏွာ အနည္းငယ္မွ်ျဖင့္ တိုရင္း၊လိုရွင္း အကယ္ဒမစ္ပံုစံ သုေတသနစာေစာင္တစ္ခုကို ရရွိလာမည္ျဖစ္သည္။ ထိုသို႔ သုေတသနနည္းစနစ္ကို ျမန္မာႏိုင္ငံအတြက္ စနစ္တက် မိမိတစ္ဦးတည္းလုပ္ပါက ၁၀ႏွစ္မွ် ၾကာေကာင္းၾကာမည္ျဖစ္သည္။ ယခု တက္ေရာက္လာသူ ကခ်င္လူငယ္မ်ား စုေပါင္းျပဳလုပ္ပါက လက္ရွိကခ်င္ယဥ္ေက်းမႈႏွင့္ အတိတ္ျဖစ္ရပ္သမိုင္း စာတမ္းကို ကခ်င္လူမ်ိဳးမ်ားကိုယ္တိုင္ ျပဳစုႏိုင္ေရးအတြက္ ရည္ရြယ္ပို႔ခ်ေၾကာင္းသိရပါသည္။

သင္တန္း ေနရာ Bethesda Chapel, 27 Lorong Melayu - 3 min walk from Kambagan MRT
Contact: Kum Ja:Kum Ja: mkumja@gmail.comThis e-mail address is being protected from spambots. You need JavaScript enabled to view it
အခ်ိန္။ Every Saturday ( 6:00 pm, 23,30.oct and 6,13.20,27 Nov 2010) at Bethesda Chapel.

Tuesday, January 2, 2007

Philippine Kachin Christian fellowship x'mas sumla

ChyuRum ai Jinghpaw Wunpawng (Kachin) myusha ni mung dan shara shagu Ngwi pyaw ai Hkrismas hte Happy new year Poi ni galaw nga ma ai.

Ndai zawn dusa ai myushani yawng myit hkrum let,


Rev:C.Naw Tawng Chyum mung ga sharin nga yang


Chaingmai Thailand phot News

Please download and see our Bible Training program photos. Dr Kha Lum
Thailand mung dan chaingmai mare kaba e hpaw ninghtan da ai Dr.Rev Khalum a chyum jawng
Chyum hpaji hpe sharin hkam la hkaja nga ai sara ,sara ma ni rai nga ma ai.

Maigan mungdan na sara ni hte rau Buga shara shagu na Chyum hpaji hka ja nga ai ni

Karai Kasang a mung dan lam hte Wunpawng myusha ni a lam ni hpe tsun jahta nga yang

Monday, January 1, 2007

Happy New year and Merry X'mas in Singapore Kachin

Singapore Du chyurum jinghpaw WP myushani ndai zawn myit hkrum let

REV.Dr.N gan Tang gun kaw nna Singapore (Kachin)JW myusha ni hpe mung ga hte hkaw tsun


Singapore mungdan e sadu nga ai Jinghpaw Wp myusha ni ndai zawn shaning nnan X'mas hte Newyear hpe hkap tau la nga yang.